jab se saqi ne diya hai jam mere hath mein

jab se saaqī ne diyā hai jaam mere haath meñ

hai nizām-e-gardish-e-ayyām mere haath meñ

kyā nahīñ hai ai dil-e-nākām mere haath meñ

ranj mere haath meñ ālām mere haath meñ

kaun jaane kis ke rangīñ ḳhvāb kā ho ye mahal

aa gayā ik nāma-e-gumnām mere haath meñ

jab hai mujh ko sāqī-e-gulfām kī sohbat nasīb

kyoñ na ho phir rāhat-o-ālām mere haath meñ

zindagī meñ jab bhī maiñ ne mai-kade kā ruḳh kiyā

aa gayā lahrā ke aksar jaam mere haath meñ

un ke hisse meñ masarrat kī bahāreñ aa ga.iiñ

aa gayā sarmāya-e-ālām mere haath meñ

mere qadmoñ meñ haiñ ab donoñ jahāñ kī ne.amateñ

aa gayā hai jab se 'rahbar' jaam mere haath meñ

jab se saqi ne diya hai jam mere hath mein

hai nizam-e-gardish-e-ayyam mere hath mein

kya nahin hai ai dil-e-nakaam mere hath mein

ranj mere hath mein aalam mere hath mein

kaun jaane kis ke rangin KHwab ka ho ye mahal

aa gaya ek nama-e-gumnam mere hath mein

jab hai mujh ko saqi-e-gulfam ki sohbat nasib

kyon na ho phir rahat-o-alam mere hath mein

zindagi mein jab bhi main ne mai-kade ka ruKH kiya

aa gaya lahra ke aksar jam mere hath mein

un ke hisse mein masarrat ki bahaaren aa gain

aa gaya sarmaya-e-alam mere hath mein

mere qadmon mein hain ab donon jahan ki neamaten

aa gaya hai jab se 'rahbar' jam mere hath mein