jab se tu mere sath musalsal safar mein hai
jab se tū mere saath musalsal safar meñ hai
lagtā hai jaise ḳhushbū-e-sandal safar meñ haiñ
khilne de aur phuul mulāqāt ke abhī
phir is ke baa'd hijr kā jangal safar meñ hai
Tapke hue lahū se patā chal rahā hai ye
yaaro hamāre saath hī maqtal safar meñ hai
tum jis ke muntazir ho lab-e-bām shaam se
vo chāñd mere saath musalsal safar meñ hai
rakhnā tū us ko kāñch ke mahloñ se duur duur
'surḳhāb' tere saath jo pāgal safar meñ hai
jab se tu mere sath musalsal safar mein hai
lagta hai jaise KHushbu-e-sandal safar mein hain
khilne de aur phul mulaqat ke abhi
phir is ke ba'd hijr ka jangal safar mein hai
Tapke hue lahu se pata chal raha hai ye
yaro hamare sath hi maqtal safar mein hai
tum jis ke muntazir ho lab-e-baam sham se
wo chand mere sath musalsal safar mein hai
rakhna tu us ko kanch ke mahlon se dur dur
'surKHab' tere sath jo pagal safar mein hai
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
