jab se un se apna yarana hua

jab se un se apnā yārāna huā

apnā dil apnoñ se begāna huā

dil meñ jab se vo hue masnad-nashīñ

yak-ba-yak ābād vīrāna huā

yaar ke dar kī gadā.ī kyā milī

ab mizāj apnā ye shāhāna huā

jo firāq-e-yār meñ aañsū bahā

gir ke dāman meñ vo durdāna huā

aap kā āshiq faqat maiñ hī nahīñ

ik zamāna hai jo dīvāna huā

mere ghar jab se ki tum aane lage

ġhairat-e-jannat ye kāshāna huā

sham.a-e-rū-e-ahmad-e-muḳhtār par

ye dil-e-dīvāna parvāna huā

jām-e-mai lene na paayā thā abhī

dekh kar saaqī ko mastāna huā

ai sabā aatī hai tujh se bū-e-dost

yaar ke gesū meñ kyā shāna huā

dam-ba-dam aane lage dil meñ mire

ġham-kada un kā jilau-ḳhāna huā

baḌh gayā hai is qadar josh-e-junūñ

har jagah merā hī afsāna huā

dekh lī duniyā kī hālat ai 'qamar'

āj-kal apnā yahī begāna huā

jab se un se apna yarana hua

apna dil apnon se begana hua

dil mein jab se wo hue masnad-nashin

yak-ba-yak aabaad virana hua

yar ke dar ki gadai kya mili

ab mizaj apna ye shahana hua

jo firaq-e-yar mein aansu baha

gir ke daman mein wo durdana hua

aap ka aashiq faqat main hi nahin

ek zamana hai jo diwana hua

mere ghar jab se ki tum aane lage

ghairat-e-jannat ye kashana hua

shama-e-ru-e-ahmad-e-muKHtar par

ye dil-e-diwana parwana hua

jam-e-mai lene na paya tha abhi

dekh kar saqi ko mastana hua

ai saba aati hai tujh se bu-e-dost

yar ke gesu mein kya shana hua

dam-ba-dam aane lage dil mein mere

gham-kada un ka jilau-KHana hua

baDh gaya hai is qadar josh-e-junun

har jagah mera hi afsana hua

dekh li duniya ki haalat ai 'qamar'

aaj-kal apna yahi begana hua