jab se usko nazar mein rakkha hai

jab se us ko nazar meñ rakkhā hai

hosh ko ham ne ghar meñ rakkhā hai

aañkh hairān hai ki ham ne bhī

kyā nazāra nazar meñ rakkhā hai

hausloñ se uḌaan bhar pyāre

kyā bhalā bāl-o-par meñ rakkhā hai

bāharī rañg-o-nūr ḳhuub sahī

par ḳhazāna to ghar meñ rakkhā hai

hai faqat ādatoñ kā ik daftar

varna kyā ḳhaak ghar meñ rakkhā hai

paañv kis rahguzar meñ rakhnā thā

paañv kis rahguzar meñ rakkhā hai

haañ ye terā hī naam hai haañ haañ

jo mirī chashm-e-tar meñ rakkhā hai

hai faqat garm jhuuT kā bāzār

kyā bhalā ab ḳhabar meñ rakkhā hai

jo utārā na jā sake ham se

ham ne vo saudā sar meñ rakhā hai

āḳhirat an-qarīb hai 'qādir'

kyā kyā zād-e-safar meñ rakkhā hai

jab se us ko nazar mein rakkha hai

hosh ko hum ne ghar mein rakkha hai

aankh hairan hai ki hum ne bhi

kya nazara nazar mein rakkha hai

hauslon se uDan bhar pyare

kya bhala baal-o-par mein rakkha hai

bahari rang-o-nur KHub sahi

par KHazana to ghar mein rakkha hai

hai faqat aadaton ka ek daftar

warna kya KHak ghar mein rakkha hai

panw kis rahguzar mein rakhna tha

panw kis rahguzar mein rakkha hai

han ye tera hi nam hai han han

jo meri chashm-e-tar mein rakkha hai

hai faqat garm jhuT ka bazar

kya bhala ab KHabar mein rakkha hai

jo utara na ja sake hum se

hum ne wo sauda sar mein rakha hai

aaKHirat an-qarib hai 'qadir'

kya kya zad-e-safar mein rakkha hai