جب سے اس شوخ گل اندام کو عریاں دیکھا

جب سے اس شوخ گل اندام کو عریاں دیکھا

پھر گلستاں میں نہ سوئے گل خنداں دیکھا

ان کے پہچان کا کل لے گیا پردہ کوئی

بے نقاب آج صنم کا رخ تاباں دیکھا

لینڈی کتے کی طرح غیر پڑا رہتا ہے

در جاناں پہ نہ سنگ اور نہ درباں دیکھا

عقد میں پھولوں میں دعوت میں ہیں ہر جا موجود

ہم نے نا خواندہ سدا شیخ کو مہماں دیکھا

کوچۂ زلف صنم میں ہے جوؤں کا مسکن

قیدیوں سے کبھی خالی نہ یہ زنداں دیکھا

بیچ کر محرم زرتار خریدا اس نے

جس پری رو نے عنایتؔ ترا دیواں دیکھا