jab se us shoKH-e-gul-andam ko uryan dekha

jab se us shoḳh-e-gul-andām ko 'uryāñ dekhā

phir gulistāñ meñ na sū-e-gul-e-ḳhandāñ dekhā

un ke pahchān kā kal le gayā parda koī

be-naqāb aaj sanam kā ruḳh-e-tābāñ dekhā

leñDī kutte kī tarah ġhair paḌā rahtā hai

dar-e-jānāñ pe na sang aur na darbāñ dekhā

aqd meñ phūloñ meñ dā'vat meñ haiñ har jā maujūd

ham ne nā-ḳhvāñda sadā shaiḳh ko mehmāñ dekhā

kūcha-e-zulf-e-sanam meñ hai juoñ kā maskan

qaidiyoñ se kabhī ḳhālī na ye zindāñ dekhā

bech kar mahram-e-zartār ḳharīdā us ne

jis parī-rū ne 'ināyat' tirā dīvāñ dekhā

jab se us shoKH-e-gul-andam ko 'uryan dekha

phir gulistan mein na su-e-gul-e-KHandan dekha

un ke pahchan ka kal le gaya parda koi

be-naqab aaj sanam ka ruKH-e-taban dekha

lenDi kutte ki tarah ghair paDa rahta hai

dar-e-jaanan pe na sang aur na darban dekha

aqd mein phulon mein da'wat mein hain har ja maujud

hum ne na-KHwanda sada shaiKH ko mehman dekha

kucha-e-zulf-e-sanam mein hai juon ka maskan

qaidiyon se kabhi KHali na ye zindan dekha

bech kar mahram-e-zartar KHarida us ne

jis pari-ru ne 'inayat' tera diwan dekha