jab suKHan mauj-e-taKHayyul se rawani mange

jab suḳhan mauj-e-taḳhayyul se ravānī māñge

mujh se har lafz na.ī rūh-e-ma.ānī māñge

dil vo dīvāna ki dariyā se tū pyāsā lauTe

sāmne mauj-e-sarāb aa.e to paanī māñge

hāfiza zehn kā dar band kiye baiThā hai

dil bahalne ko koī yaad purānī māñge

husn sar-tā-ba-qadam turfa-adā.ī chāhe

ishq tā-hadd-e-yaqīñ sāda-gumānī māñge

aa.ina dekhūñ to 'sābir' ye gumāñ hotā hai

aks mujh se vo ḳhat-e-ḳhāl-e-javānī māñge

jab suKHan mauj-e-taKHayyul se rawani mange

mujh se har lafz nai ruh-e-maani mange

dil wo diwana ki dariya se tu pyasa lauTe

samne mauj-e-sarab aae to pani mange

hafiza zehn ka dar band kiye baiTha hai

dil bahalne ko koi yaad purani mange

husn sar-ta-ba-qadam turfa-adai chahe

ishq ta-hadd-e-yaqin sada-gumani mange

aaina dekhun to 'sabir' ye guman hota hai

aks mujh se wo KHat-e-KHal-e-jawani mange