jab tabiat qafas mein ghabrai

jab tabī.at qafas meñ ghabrā.ī

ham ne jaanā ki phir bahār aa.ī

yaad aao na bhūlne vaalo

mujh se chhīno na merī tanhā.ī

ḳhud ko ik ajnabī sā lagtā huuñ

kyā huī aap se shanāsā.ī

ham ne har shaḳhs meñ tujhe paayā

ham sā hogā na koī harjā.ī

phir mahakne lagā dayār-e-ḳhayāl

phir kisī gul-badan kī yaad aa.ī

dil meñ āvārgī kī ḳhvāhish par

phir tasavvur meñ zulf lahrā.ī

'soz' jiinā paḌā bahar-sūrat

un pe marne kī kyā sazā paa.ī

jab tabiat qafas mein ghabrai

hum ne jaana ki phir bahaar aai

yaad aao na bhulne walo

mujh se chhino na meri tanhai

KHud ko ek ajnabi sa lagta hun

kya hui aap se shanasai

hum ne har shaKHs mein tujhe paya

hum sa hoga na koi harjai

phir mahakne laga dayar-e-KHayal

phir kisi gul-badan ki yaad aai

dil mein aawargi ki KHwahish par

phir tasawwur mein zulf lahrai

'soz' jina paDa bahar-surat

un pe marne ki kya saza pai