jab tabiat sukun se ghabrai

jab tabī.at sukūñ se ghabrā.ī

le chalā zauq-e-ābla-pā.ī

vo hue mā.il-e-masīhā.ī

maut phir zindagī se sharmā.ī

zulf bikhrī ki bas ghaTā chhā.ī

ahl-e-taqvā pe ik balā aa.ī

tā.ir-e-ārzū ne par tole

sehn-e-dil meñ chalī hai purvā.ī

muḌ ke tūfāñ ko bārhā dekhā

nazd-e-sāhil jo mauj le aa.ī

kashmakash vo junūn-o-hosh meñ hai

ban gayā husn bhī tamāshā.ī

rūh-o-tan meñ azal se nisbat hai

phir bhī haiñ tishna-e-shanāsā.ī

shaiḳh ko ḳhuld-o-hūr kā saudā

haa.e ye lazzatoñ kī gīrā.ī

mai-kada kā ye mo.ajiza hai ajiib

kufr-o-dīñ meñ bhī hai shanāsā.ī

shaġhl-e-mai fart-e-ġham meñ kyā karte

is meñ thī duḳht-e-raz kī rusvā.ī

din ko masjid to shab ko mai-ḳhāna

tujh sā 'farhat' hai kaun harjā.ī

jab tabiat sukun se ghabrai

le chala zauq-e-abla-pai

wo hue mail-e-masihai

maut phir zindagi se sharmai

zulf bikhri ki bas ghaTa chhai

ahl-e-taqwa pe ek bala aai

tair-e-arzu ne par tole

sehn-e-dil mein chali hai purwai

muD ke tufan ko barha dekha

nazd-e-sahil jo mauj le aai

kashmakash wo junun-o-hosh mein hai

ban gaya husn bhi tamashai

ruh-o-tan mein azal se nisbat hai

phir bhi hain tishna-e-shanasai

shaiKH ko KHuld-o-hur ka sauda

hae ye lazzaton ki girai

mai-kada ka ye moajiza hai ajib

kufr-o-din mein bhi hai shanasai

shaghl-e-mai fart-e-gham mein kya karte

is mein thi duKHt-e-raz ki ruswai

din ko masjid to shab ko mai-KHana

tujh sa 'farhat' hai kaun harjai