jab tak ghubar-e-rah mera ham-safar raha

jab tak ġhubār-e-rāh mirā ham-safar rahā

rasta to thā tavīl magar muḳhtasar rahā

har chand ho gayā hai surayyā se bhī buland

lekin shajar jafā kā sadā be samar rahā

ahl-e-junūñ ne toḌ diye vo hisār bhī

hosh-o-ḳhirad kā tesha jahāñ be-zarar rahā

ye mai-kada hai jaa.e ibādat hai riñd kī

duniyā kā har fareb yahāñ be asar rahā

fasl-e-ḳhizāñ meñ is kā koī tazkira nahīñ

sadiyoñ talak bahār kā jo rāhbar rahā

jab tak ghubar-e-rah mera ham-safar raha

rasta to tha tawil magar muKHtasar raha

har chand ho gaya hai surayya se bhi buland

lekin shajar jafa ka sada be samar raha

ahl-e-junun ne toD diye wo hisar bhi

hosh-o-KHirad ka tesha jahan be-zarar raha

ye mai-kada hai jae ibaadat hai rind ki

duniya ka har fareb yahan be asar raha

fasl-e-KHizan mein is ka koi tazkira nahin

sadiyon talak bahaar ka jo rahbar raha