جب تک کہ مجھ کو دل سے پکارا نہیں گیا

جب تک کہ مجھ کو دل سے پکارا نہیں گیا

محفل میں اس کی میں بھی دوبارہ نہیں گیا

دروازے پیچھے سسکیاں لیتا رہا کوئی

رخصت کا اب تلک وہ نظارا نہیں گیا

اک اک مدد کے بدلے ہزاروں مدد کریں

احسان پھر بھی اس کا اتارا نہیں گیا

میں لاکھ کام کاج میں مصروف ہوں مگر

وہ شخص ذہن و دل سے اتارا نہیں گیا

وہ ہی زباں میں تلخیاں وہ ہی حسد غرور

انداز اب تلک یہ تمہارا نہیں گیا

طارقؔ ہزار طرح سے کوشش تو کی مگر

اس کے بغیر وقت گزارا نہیں گیا