jab tak tujhko maut na aae kar le rain-basera baba

jab tak tujh ko maut na aa.e kar le rain-baserā baabā

aatī jaatī is duniyā meñ kyā merā kyā terā baabā

gaañv meñ sandhyā ho ke ye kyā hai band hue haiñ sab darvāze

berī jag meñ taak meñ hai ab ek ik sā.īñ luTerā baabā

ek siyāsī chaal kī ḳhātir kitnā bhayānak qatl huā hai

pūrab pachchhim utar dakhkhin niklā surḳh saverā baabā

bahne vaalī nadiyā ko bhī kab is kā ehsās huā hai

kitnī khetī nashT huī hai jab is ne ruḳh pherā baabā

us ke raushan mukhḌe par ye bikhrī bikhrī kaalī zulfeñ

jaise jag ke ujiyāroñ par chhā.e ghor añdherā baabā

koī nahīñ thā isthāpit to is meñ the sannāTe gahre

mere man mandir meñ aa kar kis ne shor bikherā baabā

diin dharam ke panDit mullā achchhe Thekedār bane haiñ

chal kar duur kahīñ bastī se Dāleñ apnā Derā baabā

chhoTī chhoTī būñdoñ hī se tāl-talaiyāñ ban jaatī haiñ

chhoTe chhoTe phal vaalā hī dekhā peḌ ghanerā baabā

ruup na tum ne mujh ko dikhāyā shams' pe karte daan hī kuchh to

barsoñ tumhārī is nagrī meñ mañgtā ban kar Therā baabā

jab tak tujh ko maut na aae kar le rain-basera baba

aati jati is duniya mein kya mera kya tera baba

ganw mein sandhya ho ke ye kya hai band hue hain sab darwaze

beri jag mein tak mein hai ab ek ek sain luTera baba

ek siyasi chaal ki KHatir kitna bhayanak qatl hua hai

purab pachchhim utar dakhkhin nikla surKH sawera baba

bahne wali nadiya ko bhi kab is ka ehsas hua hai

kitni kheti nashT hui hai jab is ne ruKH phera baba

us ke raushan mukhDe par ye bikhri bikhri kali zulfen

jaise jag ke ujiyaron par chhae ghor andhera baba

koi nahin tha isthapit to is mein the sannaTe gahre

mere man mandir mein aa kar kis ne shor bikhera baba

din dharam ke panDit mulla achchhe Thekedar bane hain

chal kar dur kahin basti se Dalen apna Dera baba

chhoTi chhoTi bundon hi se tal-talaiyan ban jati hain

chhoTe chhoTe phal wala hi dekha peD ghanera baba

rup na tum ne mujh ko dikhaya shams' pe karte dan hi kuchh to

barson tumhaari is nagri mein mangta ban kar Thera baba