jab talak dil mein pir zinda hai

jab talak dil meñ piir zinda hai

jaan zinda hai miir zinda hai

maiñ burā hī sahī magar ai dost

ab bhī merā zamīr zinda hai

kuchh to himmat kī daad de ai 'ishq

dekh terā asiir zinda hai

sirf kahne ko vo ye kahte the

aap kā dastgīr zinda hai

jis ne rishtoñ kā qatl kar Daalā

darmiyāñ vo lakīr zinda hai

shaah hairat meñ hai ke maat huī

jabki us kā vazīr zinda hai

har divāne meñ zinda hai rāñjhā

har divānī meñ hiir zinda hai

jab talak dil mein pir zinda hai

jaan zinda hai mir zinda hai

main bura hi sahi magar ai dost

ab bhi mera zamir zinda hai

kuchh to himmat ki dad de ai 'ishq

dekh tera asir zinda hai

sirf kahne ko wo ye kahte the

aap ka dastgir zinda hai

jis ne rishton ka qatl kar Dala

darmiyan wo lakir zinda hai

shah hairat mein hai ke mat hui

jabki us ka wazir zinda hai

har diwane mein zinda hai ranjha

har diwani mein hir zinda hai