jab tan na raha mera hun wasil-e-jaanana

jab tan na rahā merā huuñ vāsil-e-jānāna

dīvār ke girne se ham-sāyā ho ham-ḳhāna

ā.īne meñ dekh aa kar muñh apnā ai jānāna

tā-qadr mirī jaane kaash apnā ho dīvāna

us zulf meñ ka.ī din se betābī-e-dil gum hai

zanjīr jhanaktī na.iiñ kyā mar chukā dīvāna

bijlī mire naale kī juuñ chamke to muuñd āñkheñ

ai āshnā aage tū itnā na thā begāna

dil sharm-e-mohabbat se tar hai tū na pher āñkheñ

kyūñkar pise chakkī meñ bhīgā huā hai daana

'uzlat' gayā āñkhoñ se is vāste jī us kā

hai sham.a kī chashm-e-tar turbat-gāh-e-parvāna

jab tan na raha mera hun wasil-e-jaanana

diwar ke girne se ham-saya ho ham-KHana

aaine mein dekh aa kar munh apna ai jaanana

ta-qadr meri jaane kash apna ho diwana

us zulf mein kai din se betabi-e-dil gum hai

zanjir jhanakti nain kya mar chuka diwana

bijli mere nale ki jun chamke to mund aankhen

ai aashna aage tu itna na tha begana

dil sharm-e-mohabbat se tar hai tu na pher aankhen

kyunkar pise chakki mein bhiga hua hai dana

'uzlat' gaya aankhon se is waste ji us ka

hai shama ki chashm-e-tar turbat-gah-e-parwana