جب طلسم قفل ابجد کھل گیا
جب طلسم قفل ابجد کھل گیا
حاصل گفتار سرمد کھل گیا
ٹوٹ کر آئی ہے اس گل پر بہار
جسم لو دینے لگا قد کھل گیا
صبح لائی ہے رہائی کی نوید
آسماں کھلتے ہی گنبد کھل گیا
کارزار عشق میں آنے کے بعد
رنگ میراث اب و جد کھل گیا
خود بخود آیا ہے لب پر اس کا نام
روح پر عنوان ارشد کھل گیا
ریگ صحرا لے اڑی باد شمال
دشت گم ہوتے ہی معبد کھل گیا
آ گئی ساجدؔ زباں پر دل کی بات
آج آخر ان کا مقصد کھل گیا
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
Close
rare Unpublished content
This ghazal contains ashaar not published in the public domain. These are marked by a red line on the left.
