jab teri zat ko phaila hua dariya samjhun

jab tirī zaat ko phailā huā dariyā samjhūñ

ḳhud ko bhīgī huī rātoñ meñ akelā samjhūñ

naam likkhūñ maiñ tirā duur ḳhalāoñ meñ kahīñ

aur har lafz ko phir chāñd se pyārā samjhūñ

yaad kī jhiil meñ jab aks nazar aa.e tirā

aañkh se ashk bhī Tapke to sitārā samjhūñ

dastakeñ detā rahā raat jo galiyoñ meñ use

zehn āvāra kahūñ niiñd kā maarā samjhūñ

vo jo aa jaa.eñ mire paas to un ko 'farhat'

dukh kī baḌhtī huī bārāt kā dūlhā samjhūñ

jab teri zat ko phaila hua dariya samjhun

KHud ko bhigi hui raaton mein akela samjhun

nam likkhun main tera dur KHalaon mein kahin

aur har lafz ko phir chand se pyara samjhun

yaad ki jhil mein jab aks nazar aae tera

aankh se ashk bhi Tapke to sitara samjhun

dastaken deta raha raat jo galiyon mein use

zehn aawara kahun nind ka mara samjhun

wo jo aa jaen mere pas to un ko 'farhat'

dukh ki baDhti hui baraat ka dulha samjhun