jab tujhse mila hun to tujhe yar kaha hai

jab tujh se milā huuñ to tujhe yaar kahā hai

jab mil na sakā huuñ to dil-āzār kahā hai

tū nūr-e-nazar jān-e-jigar rashk-e-qamar hai

o rūh-e-taġhazzul tujhe gulnār kahā hai

dekhā jo tanāsub tire a.azā-e-badan kā

har uzv ko gul ḳhud tujhe gulzār kahā hai

ab tak tirī bātoñ kī halāvat nahīñ jaatī

jo tū ne kahā maiñ ne vo sau baar kahā hai

pūchhī mirī hājat jo kisī ne shab-e-yaldā

mash.al kī bajā.e tirā ruḳhsār kahā hai

tasvīreñ musavvir ne banā.īñ to bahut par

sab ne tirī tasvīr ko shahkār kahā hai

jab ḳhuub huī mad.h sitāroñ kī to maiñ ne

sab ko tire talvoñ kā parastār kahā hai

jab mujh se huī ma.anī-e-mehrāb kī pursish

uñglī se tire abrū-e-ḳhamdār kahā hai

dekhā jo magas ne tire gulfām laboñ ko

ḳhud ko gul-o-gulzār se bezār kahā hai

āñkheñ ram-e-āhū-o-tilismāt kā sañgam

ainā ke laqab kā tujhe haqdār kahā hai

'ā.iz' ye tirā ḳhvāb magar vaa.e nadāmat

logoñ ne ise ishq kā iz.hār kahā hai

jab tujh se mila hun to tujhe yar kaha hai

jab mil na saka hun to dil-azar kaha hai

tu nur-e-nazar jaan-e-jigar rashk-e-qamar hai

o ruh-e-taghazzul tujhe gulnar kaha hai

dekha jo tanasub tere aaza-e-badan ka

har uzw ko gul KHud tujhe gulzar kaha hai

ab tak teri baaton ki halawat nahin jati

jo tu ne kaha main ne wo sau bar kaha hai

puchhi meri hajat jo kisi ne shab-e-yalda

mashal ki bajae tera ruKHsar kaha hai

taswiren musawwir ne banain to bahut par

sab ne teri taswir ko shahkar kaha hai

jab KHub hui madh sitaron ki to main ne

sab ko tere talwon ka parastar kaha hai

jab mujh se hui mani-e-mehrab ki pursish

ungli se tere abru-e-KHamdar kaha hai

dekha jo magas ne tere gulfam labon ko

KHud ko gul-o-gulzar se bezar kaha hai

aankhen ram-e-ahu-o-tilismat ka sangam

aina ke laqab ka tujhe haqdar kaha hai

'aiz' ye tera KHwab magar wae nadamat

logon ne ise ishq ka izhaar kaha hai