jab tujhe mujhko dil se bhulana paDa

jab tujhe mujh ko dil se bhulānā paḌā

haa.e kis kis se ye dil lagānā paḌā

ik diye se kabhī jo milī raushnī

mujh ko apnā añdherā baḌhānā paḌā

jab se maiñ paap apne bhī dhone lagā

sab ko gangā meñ amrit milānā paḌā

ek rishta mujhe ik parī ke liye

ek do aur mausam chalānā paḌā

ham ne jannat kī ḳhvāhish meñ kyā kyā kiyā

ham ko ġhazloñ meñ likh kar batānā paḌā

vo akele nahīñ the jale ishq meñ

ham ko apne bhī ghar ko jalānā paḌā

maiñ jahāñ bhī gayā ap-shagun hī huā

is liye us se bhī duur jaanā paḌā

jab tujhe mujh ko dil se bhulana paDa

hae kis kis se ye dil lagana paDa

ek diye se kabhi jo mili raushni

mujh ko apna andhera baDhana paDa

jab se main pap apne bhi dhone laga

sab ko ganga mein amrit milana paDa

ek rishta mujhe ek pari ke liye

ek do aur mausam chalana paDa

hum ne jannat ki KHwahish mein kya kya kiya

hum ko ghazlon mein likh kar batana paDa

wo akele nahin the jale ishq mein

hum ko apne bhi ghar ko jalana paDa

main jahan bhi gaya ap-shagun hi hua

is liye us se bhi dur jaana paDa