jab tu hi kahin be-sar-o-saman paDa hai

jab tū hī kahīñ be-sar-o-sāmān paḌā hai

be-kār tirī chaah meñ insān paḌā hai

phir kis kī zarūrat mujhe Dastī hai shab-o-roz

ab dil meñ mire kaun sā armān paḌā hai

dīvār meñ dar karke bahut ḳhush to huā maiñ

kambaḳht abhī raḳhna-e-dālān paḌā hai

mujh zarra-e-na-chīz kī auqāt hī kyā hai

qadmoñ meñ tire vaqt kā sultān paḌā hai

hone de mujhe vasl kī saa.at se baġhal-gīr

laḌne ke liye hijr kā maidān paḌā hai

vāqif hī nahīñ us kī kisī chaal se 'aḳhtar'

vo jis se mirā vāsta har aan paḌā hai

jab tu hi kahin be-sar-o-saman paDa hai

be-kar teri chah mein insan paDa hai

phir kis ki zarurat mujhe Dasti hai shab-o-roz

ab dil mein mere kaun sa arman paDa hai

diwar mein dar karke bahut KHush to hua main

kambaKHt abhi raKHna-e-dalan paDa hai

mujh zarra-e-na-chiz ki auqat hi kya hai

qadmon mein tere waqt ka sultan paDa hai

hone de mujhe wasl ki saat se baghal-gir

laDne ke liye hijr ka maidan paDa hai

waqif hi nahin us ki kisi chaal se 'aKHtar'

wo jis se mera wasta har aan paDa hai