jab un se dosti na rahi dushmani rahi

jab un se dostī na rahī dushmanī rahī

bigḌī to bigḌī aur banī to banī rahī

sadma rahā malāl rahā be-kasī rahī

lekin kisī kī yaad hamesha lagī rahī

kyā kahiye dushmanī rahī yā dostī rahī

bigḌī to bigḌī aur banī to banī rahī

phir us ko dost jaan rahā huuñ hazār haif

mujh se tamām-umr jise dushmanī rahī

pahlū hazār ham ne kiye garche iḳhtiyār

lekin jo us ke dil meñ Thanī thī Thanī rahī

ā.īna dekhtā nahīñ apne se sharm hai

achchhā huā jo mujh se use bad-zanī rahī

yūsuf ko diiñ duā.eñ zuleḳhā ne saikḌoñ

muhtāj ho ga.ī bhī to dil kī ġhanī rahī

āshiq ko kū-e-yār se behtar maqām kyā

dīvāna thā jo qais kī ban se banī rahī

tārīkī-e-mazār to mash.hūr baat hai

kuchh ham bhī DhūñDh leñge agar raushnī rahī

qadr-e-suḳhan ke vāste ab kyā karūñ safī'

dāḌhī baḌhā.ī phir bhī vahī kam-sinī rahī

jab un se dosti na rahi dushmani rahi

bigDi to bigDi aur bani to bani rahi

sadma raha malal raha be-kasi rahi

lekin kisi ki yaad hamesha lagi rahi

kya kahiye dushmani rahi ya dosti rahi

bigDi to bigDi aur bani to bani rahi

phir us ko dost jaan raha hun hazar haif

mujh se tamam-umr jise dushmani rahi

pahlu hazar hum ne kiye garche iKHtiyar

lekin jo us ke dil mein Thani thi Thani rahi

aaina dekhta nahin apne se sharm hai

achchha hua jo mujh se use bad-zani rahi

yusuf ko din duaen zuleKHa ne saikDon

muhtaj ho gai bhi to dil ki ghani rahi

aashiq ko ku-e-yar se behtar maqam kya

diwana tha jo qais ki ban se bani rahi

tariki-e-mazar to mashhur baat hai

kuchh hum bhi DhunDh lenge agar raushni rahi

qadr-e-suKHan ke waste ab kya karun safi'

daDhi baDhai phir bhi wahi kam-sini rahi