jab us bazm mein hum bulae gae

jab us bazm meñ ham bulā.e ga.e

parastār ġham ke banā.e ga.e

ye tū hī batā kyoñ tire shahr meñ

sitam ahl-e-haq par hī Dhaa.e ga.e

agar pyaar ḳhushbū kā ik naam hai

to kyoñ is pe pahre lagā.e ga.e

ka.ī aur bhī the tire jāñ-nisār

hamī bazm se kyoñ uThā.e ga.e

mujhe jab nishāna banānā hī thā

to kyoñ 'aib apne chhupā.e ga.e

kaTī 'umr ḳhush-fahmiyoñ meñ mirī

mujhe ḳhvāb aise dikhā.e ga.e

ḳhafā dost 'rizvān' hone lage

unheñ aa.ine jab dikhā.e ga.e

jab us bazm mein hum bulae gae

parastar gham ke banae gae

ye tu hi bata kyon tere shahr mein

sitam ahl-e-haq par hi Dhae gae

agar pyar KHushbu ka ek nam hai

to kyon is pe pahre lagae gae

kai aur bhi the tere jaan-nisar

hami bazm se kyon uThae gae

mujhe jab nishana banana hi tha

to kyon 'aib apne chhupae gae

kaTi 'umr KHush-fahmiyon mein meri

mujhe KHwab aise dikhae gae

KHafa dost 'rizwan' hone lage

unhen aaine jab dikhae gae