جب اس کی کتابوں کو کھولا تو بہت رویا

جب اس کی کتابوں کو کھولا تو بہت رویا

سوکھے ہوئے پھولوں کو دیکھا تو بہت رویا

جب یاد تری آئی اے جان وفا مجھ کو

تڑپا تو بہت تڑپا مچلا تو بہت رویا

میں پیدا ہوا جس میں اور جس میں پھلا پھولا

وہ گھر مرے بچپن کا ٹوٹا تو بہت رویا

اک عرصہ گزارا ہے جس نے مری صحبت میں

کل شام مجھے تنہا دیکھا تو بہت رویا

دو وقت کی روٹی کی لالچ میں مرے ہمدم

جب میں نے وطن اپنا چھوڑا تو بہت رویا

اس عارضی دنیا کو ہے چھوڑ گیا ساحلؔ

جب میرے مخالف نے جانا تو بہت رویا