jab uski kitabon ko khola to bahut roya

jab us kī kitāboñ ko kholā to bahut royā

sūkhe hue phūloñ ko dekhā to bahut royā

jab yaad tirī aa.ī ai jān-e-vafā mujh ko

taḌpā to bahut taḌpā machlā to bahut royā

maiñ paidā huā jis meñ aur jis meñ phalā-phūlā

vo ghar mire bachpan kā TuuTā to bahut royā

ik 'arsa guzārā hai jis ne mirī sohbat meñ

kal shaam mujhe tanhā dekhā to bahut royā

do vaqt kī roTī kī lālach meñ mire hamdam

jab maiñ ne vatan apnā chhoḌā to bahut royā

is 'ārzī duniyā ko hai chhoḌ gayā 'sāhil'

jab mere muḳhālif ne jaanā to bahut royā

jab us ki kitabon ko khola to bahut roya

sukhe hue phulon ko dekha to bahut roya

jab yaad teri aai ai jaan-e-wafa mujh ko

taDpa to bahut taDpa machla to bahut roya

main paida hua jis mein aur jis mein phala-phula

wo ghar mere bachpan ka TuTa to bahut roya

ek 'arsa guzara hai jis ne meri sohbat mein

kal sham mujhe tanha dekha to bahut roya

do waqt ki roTi ki lalach mein mere hamdam

jab main ne watan apna chhoDa to bahut roya

is 'arzi duniya ko hai chhoD gaya 'sahil'

jab mere muKHalif ne jaana to bahut roya