jab uski taraf se koi patthar nahin aata

jab us kī taraf se koī patthar nahīñ aatā

jo bojh mire dil pe hai mujh par nahīñ aatā

dariyā huuñ aur ik 'umr se bahne meñ lagā huuñ

lekin mire hisse meñ samundar nahīñ aatā

tum lauT ke aa.e bhī to us dil meñ ki jis meñ

guzrā huā mausam bhī palaT kar nahīñ aatā

hāthoñ kī lakīreñ kahīñ le kar nahīñ jātīñ

uljhe hue rastoñ meñ kabhī ghar nahīñ aatā

yā'nī tire hote hī vo tā'mīr huā hai

rasta koī us shahr se bāhar nahīñ aatā

is dil se alag to nahīñ is aañkh kā honā

kyā shāḳh se phal gir ke zamīñ par nahīñ aatā

ik ḳhvāb haqīqat meñ badaltā nahīñ 'hāris'

ik dard tire hijr ke andar nahīñ aatā

jab us ki taraf se koi patthar nahin aata

jo bojh mere dil pe hai mujh par nahin aata

dariya hun aur ek 'umr se bahne mein laga hun

lekin mere hisse mein samundar nahin aata

tum lauT ke aae bhi to us dil mein ki jis mein

guzra hua mausam bhi palaT kar nahin aata

hathon ki lakiren kahin le kar nahin jatin

uljhe hue raston mein kabhi ghar nahin aata

ya'ni tere hote hi wo ta'mir hua hai

rasta koi us shahr se bahar nahin aata

is dil se alag to nahin is aankh ka hona

kya shaKH se phal gir ke zamin par nahin aata

ek KHwab haqiqat mein badalta nahin 'haaris'

ek dard tere hijr ke andar nahin aata