jab wo mah-e-ruKHsar yakayak nazar aaya

jab vo mah-e-ruḳhsār yakāyak nazar aayā

us maah kī tal.at suuñ suraj dil meñ dar aayā

tere ruḳh-e-raushan kuuñ siyah ḳhat meñ sirījan

dekhā so kahā abr-e-siyah meñ qamar aayā

gulshan meñ chal ai sarv-e-sahī sair kī ḳhātir

tujh vāste le gul tabaq-e-naqd-e-zar aayā

tujh jām-e-nayan meñ hai ajab bāda-e-sarshār

yak diid satī jis ke ho dil be-ḳhabar aayā

muhtāj-e-kabūtar nahīñ mujh shauq kā naama

qāsid ho mirā dil le sajan kī ḳhabar aayā

kahte haiñ sab ahl-e-suḳhan is sher kuuñ sun kar

tujh tab.a meñ 'dā.ūd' 'valī' kā asar aayā

jab wo mah-e-ruKHsar yakayak nazar aaya

us mah ki talat sun suraj dil mein dar aaya

tere ruKH-e-raushan kun siyah KHat mein sirijan

dekha so kaha abr-e-siyah mein qamar aaya

gulshan mein chal ai sarw-e-sahi sair ki KHatir

tujh waste le gul tabaq-e-naqd-e-zar aaya

tujh jam-e-nayan mein hai ajab baada-e-sarshaar

yak did sati jis ke ho dil be-KHabar aaya

muhtaj-e-kabutar nahin mujh shauq ka nama

qasid ho mera dil le sajan ki KHabar aaya

kahte hain sab ahl-e-suKHan is sher kun sun kar

tujh taba mein 'daud' 'wali' ka asar aaya