جب وہ مجھ سے بولے ہے

جب وہ مجھ سے بولے ہے

لفظوں کو کیوں تولے ہے

اس کا خوابیدہ لہجہ

نیند آنکھوں میں گھولے ہے

یادوں کی نیا میں دل

رات کو تنہا ڈولے ہے

راتوں کا سناٹا بھی

راز ہزاروں کھولے ہے

اس دنیا میں کون ہے جو

اپنا ذہن ٹٹولے ہے

عزم جواں ہو تو انساں

کوہ کے پتھر ڈھولے ہے

پیسہ ہے پانی جیسا

قاتل دامن دھولے ہے

ظرف تو دیکھو دامن کا

کتنے اشک سمو لے ہے

من پنچھی گھبرا کر اب

اڑنے کو پر تولے ہے

محفل سے ہٹ کر ببیاکؔ

تنہائی میں رو لے ہے