jab wo na-mehrban nahin hota
jab vo nā-mehrbāñ nahīñ hotā
āsmāñ āsmāñ nahīñ hotā
ham zamāne se kyā umiid kareñ
tū hī jab mehrbāñ nahīñ hotā
kahāñ ārām DhūñDne jaa.eñ
kis jagah āsmāñ nahīñ hotā
merī nazroñ se duur rah kar bhī
vo nazar se nihāñ nahīñ hotā
uzr ab kyuuñ hai mujh se milne meñ
maiñ tire darmiyāñ nahīñ hotā
us ko nazreñ bayān kartī haiñ
jo zabāñ se bayāñ nahīñ hotā
dard kā kyā subūt pesh karūñ
us kā koī nishāñ nahīñ hotā
dair-o-ka.aba meñ DhūñDne vaalo
us kā jalva kahāñ nahīñ hotā
laakh ārām hoñ qafas meñ magar
phir bhī vo āshiyāñ nahīñ hotā
imtihān-e-vafā se baḌh ke 'jigar'
koī bhī imtihāñ nahīñ hotā
jab wo na-mehrban nahin hota
aasman aasman nahin hota
hum zamane se kya umid karen
tu hi jab mehrban nahin hota
kahan aaram DhunDne jaen
kis jagah aasman nahin hota
meri nazron se dur rah kar bhi
wo nazar se nihan nahin hota
uzr ab kyun hai mujh se milne mein
main tere darmiyan nahin hota
us ko nazren bayan karti hain
jo zaban se bayan nahin hota
dard ka kya subut pesh karun
us ka koi nishan nahin hota
dair-o-kaba mein DhunDne walo
us ka jalwa kahan nahin hota
lakh aaram hon qafas mein magar
phir bhi wo aashiyan nahin hota
imtihan-e-wafa se baDh ke 'jigar'
koi bhi imtihan nahin hota
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
