jab yaad tumhaari aati thi ek dard sa paida hota tha

jab yaad tumhārī aatī thī ik dard sā paidā hotā thā

kuchh baat na ham se bantī thī kuchh kaam na achchhā hotā thā

dil jaane vaalā thā to gayā kyoñ ġham karte kyoñ pachhtāte

jab haath se ik shai kho baiThe phir haath male kyā hotā thā

kyā lutf milā vaqt-e-āḳhir shādāñ hai abhī tak ruuh mirī

ik jaan se apnī jaatā thā ik mahv-e-tamāshā hotā thā

thī dard kī jab tak dil meñ khaTak hiltā thā falak larzāñ thī zamīñ

ham aaheñ jis dam bharte the ik mahshar barpā hotā thā

jis din se tumheñ dekhā ham ne āñkhoñ meñ hai ab tak vo naqsha

jo biich meñ tum ne Daalā thā us parde se kyā hotā thā

gulshan meñ jo tum aa jaate the bulbul bhī to naale karte the

ik maiñ hī nahīñ huuñ anokhā kuchh sab jag tah-o-bālā hotā thā

'sayyāf' kā ġham meñ miT jaanā duniyā ke liye hai afsāna

apne to haiñ apne zikr hī kyā begānoñ meñ charchā hotā thā

jab yaad tumhaari aati thi ek dard sa paida hota tha

kuchh baat na hum se banti thi kuchh kaam na achchha hota tha

dil jaane wala tha to gaya kyon gham karte kyon pachhtate

jab hath se ek shai kho baiThe phir hath male kya hota tha

kya lutf mila waqt-e-aKHir shadan hai abhi tak ruh meri

ek jaan se apni jata tha ek mahw-e-tamasha hota tha

thi dard ki jab tak dil mein khaTak hilta tha falak larzan thi zamin

hum aahen jis dam bharte the ek mahshar barpa hota tha

jis din se tumhein dekha hum ne aankhon mein hai ab tak wo naqsha

jo bich mein tum ne Dala tha us parde se kya hota tha

gulshan mein jo tum aa jate the bulbul bhi to nale karte the

ek main hi nahin hun anokha kuchh sab jag tah-o-baala hota tha

'sayyaf' ka gham mein miT jaana duniya ke liye hai afsana

apne to hain apne zikr hi kya beganon mein charcha hota tha