jab zulf sharir ho gai hai
jab zulf sharīr ho ga.ī hai
ḳhud apnī asiir ho ga.ī hai
jannat ke muqāble meñ duniyā
aap apnī nazīr ho ga.ī hai
jo baat tirī zabāñ se niklī
patthar kī lakīr ho ga.ī hai
hoñToñ pe tire hañsī machal kar
jalvoñ kī lakīr ho ga.ī hai
jo aah mirī zabāñ se niklī
arjun kā vo tiir ho ga.ī hai
shāyad koī be-nazīr ban jaa.e
vo badar-e-munīr ho ga.ī hai
ai bād-e-sabā tū chhū ke gesū
ḳhushbū kī safīr ho ga.ī hai
āvāz-e-shikast-e-dil hī 'unvāñ'
āvāz-e-zamīr ho ga.ī hai
jab zulf sharir ho gai hai
KHud apni asir ho gai hai
jannat ke muqable mein duniya
aap apni nazir ho gai hai
jo baat teri zaban se nikli
patthar ki lakir ho gai hai
honTon pe tere hansi machal kar
jalwon ki lakir ho gai hai
jo aah meri zaban se nikli
arjun ka wo tir ho gai hai
shayad koi be-nazir ban jae
wo badar-e-munir ho gai hai
ai baad-e-saba tu chhu ke gesu
KHushbu ki safir ho gai hai
aawaz-e-shikast-e-dil hi 'unwan'
aawaz-e-zamir ho gai hai
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
