jabin pe gard hai chehra KHarash mein Duba
jabīñ pe gard hai chehra ḳharāsh meñ Duubā
huā ḳharāb jo apnī talāsh meñ Duubā
qalam uThāyā to sar par kulāh-e-kaj na rahī
ye shahryār bhī fikr-e-ma.āsh meñ Duubā
jhale hai pañkhā ye zaḳhmoñ pe kaun aaTh pahar
milā hai mujh ko nafas irti.āsh meñ Duubā
ise na kyuuñ tirī dildārī-e-nazar kahiye
vo neshtar jo dil-e-pāsh-pāsh meñ Duubā
'fazā' hai ḳhāliq-e-sub.h-e-hayāt phir bhī ġharīb
kahāñ kahāñ na ufuq kī talāsh meñ Duubā
jabin pe gard hai chehra KHarash mein Duba
hua KHarab jo apni talash mein Duba
qalam uThaya to sar par kulah-e-kaj na rahi
ye shahryar bhi fikr-e-maash mein Duba
jhale hai pankha ye zaKHmon pe kaun aaTh pahar
mila hai mujh ko nafas irtiash mein Duba
ise na kyun teri dildari-e-nazar kahiye
wo neshtar jo dil-e-pash-pash mein Duba
'faza' hai KHaliq-e-subh-e-hayat phir bhi gharib
kahan kahan na ufuq ki talash mein Duba
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
