jabr aur sabr bar hota hai

jabr aur sabr baar hotā hai

dil pe kab iḳhtiyār hotā hai

vo zamāne ki ḳhaar tak mahkeñ

yādgār-e-bahār hotā hai

raat aur din kī koī qaid nahīñ

aap kā intizār hotā hai

band kartā huuñ jab bhī maiñ āñkheñ

sāmne rū-e-yār hotā hai

ahl-e-gulshan ko kyā ḳhizāñ ko bhī

intizār-e-bahār hotā hai

jī rahā huuñ bas is nazariye par

hāsil-e-zīst pyaar hotā hai

apne aḳhlāq hī se duniyā meñ

aadmī bā-vaqār hotā hai

nāḳhudā ko ye kyā ġharaz koī

Dūbtā hai ki paar hotā hai

'nūr' vo gul jo ho ḳhizāñ-dīda

hāsil-e-sad-bahār hotā hai

jabr aur sabr bar hota hai

dil pe kab iKHtiyar hota hai

wo zamane ki KHar tak mahken

yaadgar-e-bahaar hota hai

raat aur din ki koi qaid nahin

aap ka intizar hota hai

band karta hun jab bhi main aankhen

samne ru-e-yar hota hai

ahl-e-gulshan ko kya KHizan ko bhi

intizar-e-bahaar hota hai

ji raha hun bas is nazariye par

hasil-e-zist pyar hota hai

apne aKHlaq hi se duniya mein

aadmi ba-waqar hota hai

naKHuda ko ye kya gharaz koi

Dubta hai ki par hota hai

'nur' wo gul jo ho KHizan-dida

hasil-e-sad-bahaar hota hai