jafa dekhni thi sitam dekhna tha
jafā dekhnī thī sitam dekhnā thā
nasīboñ meñ ranj-o-alam dekhnā thā
vo aate na aate shab-e-va.ada lekin
mujhe de ke sar kī qasam dekhnā thā
ḳhajālat huī us ke kūche meñ kyā kyā
mujhe pahle naqsh-e-qadam dekhnā thā
mujhe dekhnī terī himmat thī saaqī
bahut dekhnā thā na kam dekhnā thā
kaTī shām-e-furqat 'azīz' aah kyūñ-kar
zarā ā.īna sub.h-dam dekhnā thā
jafa dekhni thi sitam dekhna tha
nasibon mein ranj-o-alam dekhna tha
wo aate na aate shab-e-wada lekin
mujhe de ke sar ki qasam dekhna tha
KHajalat hui us ke kuche mein kya kya
mujhe pahle naqsh-e-qadam dekhna tha
mujhe dekhni teri himmat thi saqi
bahut dekhna tha na kam dekhna tha
kaTi sham-e-furqat 'aziz' aah kyun-kar
zara aaina subh-dam dekhna tha
- Book : Intekhab-e-Sukhan(Jild-2) (Pg. 262)
- Author : Hasrat Mohani
- Publication : uttar pradesh urdu academy (1983)
- Edition : 1983
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
