jafa ka tum kya jawaz doge qaza ki bandish tamam hogi

jafā kā tum kyā javāz doge qazā kī bandish tamām hogī

maiñ sochtā huuñ du'ā hamārī ḳhudā se jab ham-kalām hogī

gumān ye thā safar kī kulfat farāġhatoñ par tamām kar luuñ

maqām-e-vahshat ke aate aate kise ḳhabar thī ki shaam hogī

tumhāre lahje ne chhīn lī hai shabāb se tarz-e-ḳhush-numā.ī

rahī-sahī shā'irī hai vā'iz tirī du'ā se harām hogī

mirī tarab-gāh se ye taaza jo jang chheḌī hai bijliyoñ ne

havā ke tevar batā rahe haiñ ye charḳh-e-gardūñ ke naam hogī

jalāl kī ‘āfiyat manā.e phire bhalā kab talak zamāna

ye pārsā.ī numā.ishī hai ye chaar jalvoñ meñ raam hogī

ye sadma-e-'uzr-o-hijr 'sāġhar' abhī nazar se pare hī rakhnā

abhī mohabbat na.ī na.ī hai abhī tahammul meñ ḳhaam hogī

jafa ka tum kya jawaz doge qaza ki bandish tamam hogi

main sochta hun du'a hamari KHuda se jab ham-kalam hogi

guman ye tha safar ki kulfat faraghaton par tamam kar lun

maqam-e-wahshat ke aate aate kise KHabar thi ki sham hogi

tumhaare lahje ne chhin li hai shabab se tarz-e-KHush-numai

rahi-sahi sha'iri hai wa'iz teri du'a se haram hogi

meri tarab-gah se ye taza jo jang chheDi hai bijliyon ne

hawa ke tewar bata rahe hain ye charKH-e-gardun ke nam hogi

jalal ki ‘afiyat manae phire bhala kab talak zamana

ye parsai numaishi hai ye chaar jalwon mein ram hogi

ye sadma-e-'uzr-o-hijr 'saghar' abhi nazar se pare hi rakhna

abhi mohabbat nai nai hai abhi tahammul mein KHam hogi