jafa pe shukr ka ummid-war kyun aaya

jafā pe shukr kā ummīd-vār kyuuñ aayā

mirī vafā kā use e'tibār kyuuñ aayā

ye dil kī baat hī muñh se adā nahīñ hotī

maiñ kyā kahūñ ki yahāñ baar baar kyuuñ aayā

ḳhayāl-e-pursish-e-mahshar se vo huā maġhmūm

nazar ke sāmne merā mazār kyuuñ aayā

kahāñ vo haath maiñ pā.ūñ hasīn laḌkoñ ke

saḌī nahīñ to sū-e-kohsār kyuuñ aayā

taḌap thī mar ke bhī mayyat pe shāyad aayā vo

nahīñ ye baat to dil ko qarār kyuuñ aayā

huā maiñ ḳhaak to vo laḌ rahā hai āñdhī se

ki tere saath mire ghar ġhubār kyuuñ aayā

vo intizār kī lazzat bhī le gayā ai 'shauq'

havā ke ghoḌe pe zālim savār kyuuñ aayā

jafa pe shukr ka ummid-war kyun aaya

meri wafa ka use e'tibar kyun aaya

ye dil ki baat hi munh se ada nahin hoti

main kya kahun ki yahan bar bar kyun aaya

KHayal-e-pursish-e-mahshar se wo hua maghmum

nazar ke samne mera mazar kyun aaya

kahan wo hath main paun hasin laDkon ke

saDi nahin to su-e-kohsar kyun aaya

taDap thi mar ke bhi mayyat pe shayad aaya wo

nahin ye baat to dil ko qarar kyun aaya

hua main KHak to wo laD raha hai aandhi se

ki tere sath mere ghar ghubar kyun aaya

wo intizar ki lazzat bhi le gaya ai 'shauq'

hawa ke ghoDe pe zalim sawar kyun aaya