jafa-shiar bhi ho koi mehrban bhi rahe

jafā-shi.ār bhī ho koī mehrbāñ bhī rahe

kisī ke lab pe duā.eñ bhī hoñ fuġhāñ bhī rahe

tirī ye dushman-e-jāñ ko duā jabīn-e-niyāz

ki tū rahe ye terā sañg-e-āstāñ bhī rahe

huzūr un ke kaheñ harf-e-mudda.ā to magar

ye dil bhī pahlū meñ ho muñh meñ ye zabāñ bhī rahe

idhar tabāhī-o-ġhārat-garī udhar ta.amīr

girī hai barq bhī ābād āshiyāñ bhī rahe

pukārā maut ko tañg aa ke zindagī se kabhī

tū mahv-e-justujū-e-umr-e-jāvedāñ bhī rahe

ġham-e-ma.āsh vatan meñ yahāñ ġham-e-ġhurbat

ḳharāb haal vahāñ bhī rahe yahāñ bhī rahe

rah-e-vafā meñ miTā de vo apnī hastī ko

jo chāhtā hai mirā hashr tak nishāñ bhī rahe

jafa-shiar bhi ho koi mehrban bhi rahe

kisi ke lab pe duaen bhi hon fughan bhi rahe

teri ye dushman-e-jaan ko dua jabin-e-niyaz

ki tu rahe ye tera sang-e-astan bhi rahe

huzur un ke kahen harf-e-muddaa to magar

ye dil bhi pahlu mein ho munh mein ye zaban bhi rahe

idhar tabahi-o-ghaarat-gari udhar tamir

giri hai barq bhi aabaad aashiyan bhi rahe

pukara maut ko tang aa ke zindagi se kabhi

tu mahw-e-justuju-e-umr-e-jawedan bhi rahe

gham-e-maash watan mein yahan gham-e-ghurbat

KHarab haal wahan bhi rahe yahan bhi rahe

rah-e-wafa mein miTa de wo apni hasti ko

jo chahta hai mera hashr tak nishan bhi rahe