jahan ashk-e-hasrat rawan chhoD aae

jahāñ ashk-e-hasrat ravāñ chhoḌ aa.e

mohabbat vahāñ nīm-jāñ chhoḌ aa.e

hamāre hī ḳhuuñ kī guloñ meñ hai surḳhī

chaman-dar-chaman dāstāñ chhoḌ aa.e

qafas kī dil-āveziyāñ ham se pūchho

qafas ke liye āshiyāñ chhoḌ aa.e

bharam khul na jaa.e tire āstāñ kā

tirā āstāñ mehrbāñ chhoḌ aa.e

musāfir na bhaTkegā raste se koī

ki har gaam par ik nishāñ chhoḌ aa.e

dhuāñ uTh rahā hai jo sehn-e-chaman se

dhuāñ hai kahāñ ham fuġhāñ chhoḌ aa.e

bharī anjuman meñ ham aa.e ġhazal-ḳhvāñ

bharī anjuman nauha-ḳhvāñ chhoḌ aa.e

unhīñ vādiyoñ kī rulātī haiñ yādeñ

jinheñ 'baḳht' ham gul-fishāñ chhoḌ aa.e

jahan ashk-e-hasrat rawan chhoD aae

mohabbat wahan nim-jaan chhoD aae

hamare hi KHun ki gulon mein hai surKHi

chaman-dar-chaman dastan chhoD aae

qafas ki dil-aweziyan hum se puchho

qafas ke liye aashiyan chhoD aae

bharam khul na jae tere aastan ka

tera aastan mehrban chhoD aae

musafir na bhaTkega raste se koi

ki har gam par ek nishan chhoD aae

dhuan uTh raha hai jo sehn-e-chaman se

dhuan hai kahan hum fughan chhoD aae

bhari anjuman mein hum aae ghazal-KHwan

bhari anjuman nauha-KHwan chhoD aae

unhin wadiyon ki rulati hain yaaden

jinhen 'baKHt' hum gul-fishan chhoD aae