jahan bhi zulm-o-takabbur misal hota hai

jahāñ bhī zulm-o-takabbur misāl hotā hai

urūj-e-ādam-e-ḳhākī zavāl hotā hai

kisī kā dil jo dukhā.e kisī ko tohmat de

ba-der jald burā us kā haal hotā hai

ho ghaav ḳhanjar-o-shamshīr kā to bhar jaa.e

zabāñ kā zaḳhm kahīñ indimāl hotā hai

tire mizāj ke mausam se kyā shikāyat ho

zarā sī der meñ aksar bahāl hotā hai

har ek yaad lipaTtī hai aa ke pairoñ se

tumhāre shahr meñ apnā ye haal hotā hai

vo zikr karte haiñ aksar ga.e marātib kā

vo aaj kyā haiñ magar ye savāl hotā hai

khaTak rahī hai 'ġhazal' aaj un ko ḳhāmoshī

jo sach kaheñge to sunñā muhāl hotā hai

jahan bhi zulm-o-takabbur misal hota hai

uruj-e-adam-e-KHaki zawal hota hai

kisi ka dil jo dukhae kisi ko tohmat de

ba-der jald bura us ka haal hota hai

ho ghaw KHanjar-o-shamshir ka to bhar jae

zaban ka zaKHm kahin indimal hota hai

tere mizaj ke mausam se kya shikayat ho

zara si der mein aksar bahaal hota hai

har ek yaad lipaTti hai aa ke pairon se

tumhaare shahr mein apna ye haal hota hai

wo zikr karte hain aksar gae maraatib ka

wo aaj kya hain magar ye sawal hota hai

khaTak rahi hai 'ghazal' aaj un ko KHamoshi

jo sach kahenge to sunna muhaal hota hai