jahan bichhDe the agar log wahan mil jate

jahāñ bichhḌe the agar log vahāñ mil jaate

lauTne vāloñ ko phir ghar ke nishāñ mil jaate

dil-navardoñ kā rahā marhaloñ se ye shikva

jahāñ ummīd thī ai kaash vahāñ mil jaate

mil gayā tum ko tumhārā jahāñ ham ko apnā

tum hameñ milte to phir donoñ jahāñ mil jaate

ham ne piirī meñ phir is dil ko khañgālā hī nahīñ

sharm aatī agar ehsās-e-javāñ mil jaate

ham se milne meñ tumheñ aisī bhī mushkil kyā thī

ham to shā.ir haiñ tumheñ zer-e-zabāñ mil jaate

jahan bichhDe the agar log wahan mil jate

lauTne walon ko phir ghar ke nishan mil jate

dil-nawardon ka raha marhalon se ye shikwa

jahan ummid thi ai kash wahan mil jate

mil gaya tum ko tumhaara jahan hum ko apna

tum hamein milte to phir donon jahan mil jate

hum ne piri mein phir is dil ko khangala hi nahin

sharm aati agar ehsas-e-jawan mil jate

hum se milne mein tumhein aisi bhi mushkil kya thi

hum to shair hain tumhein zer-e-zaban mil jate