jahan chheD de koi un ka fasana

jahāñ chheḌ de koī un kā fasāna

hama-rang lafzoñ kī jannat sajānā

tumhāre hamāre hī dam se hai raushan

dil-o-jāñ kī rangīniyoñ kā zamāna

ye kaisī adā hai ba-tarz-e-mohabbat

kabhī yaad rakhnā kabhī bhuul jaanā

hameñ chāhiye sirf terā tasavvur

agarche ye duniyā hai tasvīr-kHāna

har ik tere husn-e-tasavvur kā shaidā

ho adnā-o-a.alā ki nādān-o-dānā

tulū-e-sahar hai ki tum sāmne ho

ye kundan sā mukhḌā ye gesū ye shāna

tire daur ne tujh se māñgī mohabbat

mohabbat ne baḳhshā tujhe muskurānā

jahan chheD de koi un ka fasana

hama-rang lafzon ki jannat sajaana

tumhaare hamare hi dam se hai raushan

dil-o-jaan ki ranginiyon ka zamana

ye kaisi ada hai ba-tarz-e-mohabbat

kabhi yaad rakhna kabhi bhul jaana

hamein chahiye sirf tera tasawwur

agarche ye duniya hai taswir-kHana

har ek tere husn-e-tasawwur ka shaida

ho adna-o-ala ki nadan-o-dana

tulu-e-sahar hai ki tum samne ho

ye kundan sa mukhDa ye gesu ye shana

tere daur ne tujh se mangi mohabbat

mohabbat ne baKHsha tujhe muskurana