jahan-e-girya jo aadam ko KHuld ka dukh hai

jahān-e-girya jo aadam ko ḳhuld kā dukh hai

isī lihāz se dhartī havā ḳhalā dukh hai

kabhī firāq kī rātoñ meñ aa.ina dekhūñ

to ḳhud se kahtā huuñ dekho ye aa.ina dukh hai

shadīd ronā to andar kā habs ghuTnā hai

khichāo hañsne se paḌtā hai qahqaha dukh hai

zamīn gol hai merī vafāt ne kholā

ki dost ammī se kahte the ye baḌā dukh hai

maiñ bāñjh peḌ huuñ saaya na phal mire uupar

mujhe samay de kabhī pūchh mujh ko kyā dukh hai

tamām ḳhushiyāñ ikaTThī thiiñ ek dukh ke gird

unheñ dhakel ke chīḳhā haTo mirā dukh hai

maiñ ḳhud se jañg meñ haarā huā sipāhī huuñ

ki jis kā rābta number atā-patā dukh hai

jahan-e-girya jo aadam ko KHuld ka dukh hai

isi lihaz se dharti hawa KHala dukh hai

kabhi firaq ki raaton mein aaina dekhun

to KHud se kahta hun dekho ye aaina dukh hai

shadid rona to andar ka habs ghuTna hai

khichao hansne se paDta hai qahqaha dukh hai

zamin gol hai meri wafat ne khola

ki dost ammi se kahte the ye baDa dukh hai

main banjh peD hun saya na phal mere upar

mujhe samay de kabhi puchh mujh ko kya dukh hai

tamam KHushiyan ikaTThi thin ek dukh ke gird

unhen dhakel ke chiKHa haTo mera dukh hai

main KHud se jang mein haara hua sipahi hun

ki jis ka rabta number ata-pata dukh hai