jahan-e-husn-o-nazar se kinara karna hai

jahān-e-husn-o-nazar se kināra karnā hai

vajūd-e-shab ko mujhe isti.āra karnā hai

mire darīcha-e-dil meñ Thahar na jaa.e kahīñ

vo ek ḳhvāb ki jis ko sitāra karnā hai

tamām shahr añdheroñ meñ Duub jā.egā

havā ko ek hī us ne ishāra karnā hai

ye qurbatoñ ke haiñ lamhe inheñ ġhanīmat jaan

inhī dinoñ ko to ham ne pukārā karnā hai

vo dostoñ ko batā.egā pyaar kā qissa

aur us ne zikr bahut kam hamārā karnā hai

mirī nigāh meñ jachtā nahīñ koī 'āsif'

visāl-e-yār ko hāsil dobāra karnā hai

jahan-e-husn-o-nazar se kinara karna hai

wajud-e-shab ko mujhe istiara karna hai

mere daricha-e-dil mein Thahar na jae kahin

wo ek KHwab ki jis ko sitara karna hai

tamam shahr andheron mein Dub jaega

hawa ko ek hi us ne ishaara karna hai

ye qurbaton ke hain lamhe inhen ghanimat jaan

inhi dinon ko to hum ne pukara karna hai

wo doston ko bataega pyar ka qissa

aur us ne zikr bahut kam hamara karna hai

meri nigah mein jachta nahin koi 'asif'

visal-e-yar ko hasil dobara karna hai