jahan-e-rang-o-bu mein kya nahin hai

jahān-e-rang-o-bū meñ kyā nahīñ hai

magar koī kahīñ tujh sā nahīñ hai

bahut phailā hai ye shahr-e-tamannā

yahāñ mumkin sukūñ paanā nahīñ hai

hañse jo ābla-pā.ī pe terī

vo terā ham-safar terā nahīñ hai

na itrā is qadar bād-e-ḳhizāñ tū

koī pattā abhī sūkhā nahīñ hai

nahīñ koī nahīñ hai mere jaisā

mirā saaya bhī mujh jaisā nahīñ hai

jise sadiyoñ se ḳhūn-e-dil se sīñchā

vo gulshan aaj bhī apnā nahīñ hai

vo jis se 'nāz' tum ghabrā rahe ho

koī aaseb yā saayā nahīñ hai

jahan-e-rang-o-bu mein kya nahin hai

magar koi kahin tujh sa nahin hai

bahut phaila hai ye shahr-e-tamanna

yahan mumkin sukun pana nahin hai

hanse jo aabla-pai pe teri

wo tera ham-safar tera nahin hai

na itra is qadar baad-e-KHizan tu

koi patta abhi sukha nahin hai

nahin koi nahin hai mere jaisa

mera saya bhi mujh jaisa nahin hai

jise sadiyon se KHun-e-dil se sincha

wo gulshan aaj bhi apna nahin hai

wo jis se 'naz' tum ghabra rahe ho

koi aaseb ya saya nahin hai