جہاں ہم جی رہے تھے سر اٹھا کر

جہاں ہم جی رہے تھے سر اٹھا کر

وہاں پر کیا ملا پتھر اٹھا کر

بھری برسات اب تک جی رہے ہیں

ابھی تک گاؤں میں چھپر اٹھا کر

کرایہ سب نگل لیتا ہے پیسہ

رہیں ہم کس طرح سے گھر اٹھا کر

ہماری زندگی سے یاوری ہے

کہیں بھی چل دئے گھر بھر اٹھا کر

جہاں دیکھا وہیں چوما ہے میں نے

تمہارے نام کا اکشر اٹھا کر

ہم اس کی سلطنت میں جی رہے ہیں

ہمیں وہ پھینک دیں باہر اٹھا کر

محبت چھوڑ کر اپنی حویلی

سکوں سے چل پڑی بستر اٹھا کر