jahan hum ji rahe the sar uTha kar

jahāñ ham jī rahe the sar uThā kar

vahāñ par kyā milā patthar uThā kar

bharī barsāt ab tak jī rahe haiñ

abhī tak gaañv meñ chhappar uThā kar

kirāya sab nigal letā hai paisa

raheñ ham kis tarah se ghar uThā kar

hamārī zindagī se yāvarī hai

kahīñ bhī chal diye ghar-bhar uThā kar

jahāñ dekhā vahīñ chūmā hai maiñ ne

tumhāre naam kā akshar uThā kar

ham us kī saltanat meñ jī rahe haiñ

hameñ vo pheñk deñ bāhar uThā kar

mohabbat chhoḌ kar apnī havelī

sukūñ se chal paḌī bistar uThā kar

jahan hum ji rahe the sar uTha kar

wahan par kya mila patthar uTha kar

bhari barsat ab tak ji rahe hain

abhi tak ganw mein chhappar uTha kar

kiraya sab nigal leta hai paisa

rahen hum kis tarah se ghar uTha kar

hamari zindagi se yawari hai

kahin bhi chal diye ghar-bhar uTha kar

jahan dekha wahin chuma hai main ne

tumhaare nam ka akshar uTha kar

hum us ki saltanat mein ji rahe hain

hamein wo phenk den bahar uTha kar

mohabbat chhoD kar apni haweli

sukun se chal paDi bistar uTha kar