jahan hum tumhaari panahon mein the

jahāñ ham tumhārī panāhoñ meñ the

vahāñ sabz saa.e bhī rāhoñ meñ the

miyāñ dhuul āñkhoñ meñ jhoñkī ga.ī

ka.ī log merī nigāhoñ meñ the

vahī mohtasib haiñ unheñ kyā kaheñ

vo shāmil hamāre gunāhoñ meñ the

zamāna mire saath tab bhī na thā

magar tum mire ḳhair-ḳhvāhoñ meñ the

kahīñ par to bijlī girī hai 'ayāz'

ka.ī kārvāñ ab bhī rāhoñ meñ the

jahan hum tumhaari panahon mein the

wahan sabz sae bhi rahon mein the

miyan dhul aankhon mein jhonki gai

kai log meri nigahon mein the

wahi mohtasib hain unhen kya kahen

wo shamil hamare gunahon mein the

zamana mere sath tab bhi na tha

magar tum mere KHair-KHwahon mein the

kahin par to bijli giri hai 'ayaz'

kai karwan ab bhi rahon mein the