jahan pe chhoDi thi baat dil ki wahin se jari zarur karte

jahāñ pe chhoḌī thī baat dil kī vahīñ se jaarī zarūr karte

agar vo suntā hamārī bāteñ to baat saarī zarūr karte

ḳhudā se fursat nahīñ milegī ḳhudā ke bandoñ ko aaj varna

ḳhudā ke bande ḳhudā kī ḳhātir madad hamārī zarūr karte

azāb-e-dozaḳh kā ḳhauf bhī hai husūl-e-jannat kā shauq bhī hai

jo ye na hote to dil se puujā ye sab pujārī zarūr karte

ab aur himmat nahīñ hai ham meñ tumhārī chāloñ se thak chuke haiñ

yaqīn tum par zarā bhī hotā to phir se yaarī zarūr karte

kisī ne pūchhā ki aap hote to jaan ham par nisār karte

dimāġh meñ thā kabhī na karte zabāñ-pukārī zarūr karte

laboñ ko sī kar ġhamoñ ko pī kar bharam mohabbat kā rakh liyā hai

vagarna le le ke naam terā ham āh-o-zārī zarūr karte

jahan pe chhoDi thi baat dil ki wahin se jari zarur karte

agar wo sunta hamari baaten to baat sari zarur karte

KHuda se fursat nahin milegi KHuda ke bandon ko aaj warna

KHuda ke bande KHuda ki KHatir madad hamari zarur karte

azab-e-dozaKH ka KHauf bhi hai husul-e-jannat ka shauq bhi hai

jo ye na hote to dil se puja ye sab pujari zarur karte

ab aur himmat nahin hai hum mein tumhaari chaalon se thak chuke hain

yaqin tum par zara bhi hota to phir se yari zarur karte

kisi ne puchha ki aap hote to jaan hum par nisar karte

dimagh mein tha kabhi na karte zaban-pukari zarur karte

labon ko si kar ghamon ko pi kar bharam mohabbat ka rakh liya hai

wagarna le le ke nam tera hum aah-o-zari zarur karte