jahan ras mujhe aa gaya jahan ko main

jahān raas mujhe aa gayā jahān ko maiñ

so moḌtā huuñ ab apnī taraf kamān ko maiñ

mirī zamīn ko jaise usī ne chhīnā ho

kabhī kabhī to yuuñ taktā huuñ āsmān ko maiñ

yaqīn kar ki tirī be-ruḳhī se pahle bhī

kabhī bharā nahīñ rakhtā thā phūl-dān ko maiñ

zarā sī dhuup zarūrī hai har kisī ke liye

yahī batā nahīñ paatā huuñ sā.ebān ko maiñ

us ek lamhe mujhe yaad kyoñ nahīñ rahtā

adhūrā chhoḌ bhī saktā huuñ imtihān ko maiñ

ḳhudā kare koī kirdār aisā mil jaa.e

ki dāstān mujhe khīñche dāstān ko maiñ

'amit-bajāj’ ye fe’lun mafā’ilun kyā hai

nahīñ samajhtā hunar aisī khīñch-tān ko maiñ

jahan ras mujhe aa gaya jahan ko main

so moDta hun ab apni taraf kaman ko main

meri zamin ko jaise usi ne chhina ho

kabhi kabhi to yun takta hun aasman ko main

yaqin kar ki teri be-ruKHi se pahle bhi

kabhi bhara nahin rakhta tha phul-dan ko main

zara si dhup zaruri hai har kisi ke liye

yahi bata nahin pata hun saeban ko main

us ek lamhe mujhe yaad kyon nahin rahta

adhura chhoD bhi sakta hun imtihan ko main

KHuda kare koi kirdar aisa mil jae

ki dastan mujhe khinche dastan ko main

'amit-bajaj’ ye fe’lun mafa’ilun kya hai

nahin samajhta hunar aisi khinch-tan ko main