جہاں رنگ و بو ہے اور میں ہوں
جہاں رنگ و بو ہے اور میں ہوں
بہار آرزو ہے اور میں ہوں
سکوں کا کام کیا اس میکدے میں
ازل سے ہا و ہو ہے اور میں ہوں
الٰہی شرع میں رکھا ہی کیا ہے
نماز بے وضو ہے اور میں ہوں
جو تم آئے تو آئی جان میں جاں
مقدر روبرو ہے اور میں ہوں
مری رسوائیاں ہیں اور تم ہو
تمہاری گفتگو ہے اور میں ہوں
ترے دیدار کی جویا ہیں آنکھیں
تلاش چار سو ہے اور میں ہوں
عجب شے خود فراموشی ہے کیفیؔ
صراحی ہے سبو ہے اور میں ہوں
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
Close
rare Unpublished content
This ghazal contains ashaar not published in the public domain. These are marked by a red line on the left.
