jahan rang-o-bu hai aur main hun
![Chandar Bhan Kaifi Dehelvi Chandar Bhan Kaifi Dehelvi](https://rekhta.pc.cdn.bitgravity.com/Images/Shayar/round/chandar-bhan-kaifi-dehelvi.png)
jahan rang-o-bu hai aur main hun
Chandar Bhan Kaifi Dehelvi
MORE BYChandar Bhan Kaifi Dehelvi
jahāñ rañg-o-bū hai aur maiñ huuñ
bahār-e-ārzū hai aur maiñ huuñ
sukūñ kā kaam kyā is mai-kade meñ
azal se hā-o-hū hai aur maiñ huuñ
ilāhī shar.a meñ rakkhā hī kyā hai
namāz-e-be-vazū hai aur maiñ huuñ
jo tum aa.e to aa.ī jaan meñ jaañ
muqaddar rū-ba-rū hai aur maiñ huuñ
mirī rusvā.iyāñ haiñ aur tum ho
tumhārī guftugū hai aur maiñ huuñ
tire dīdār kī juuyā haiñ āñkheñ
talāsh-e-chār-sū hai aur maiñ huuñ
ajab shai ḳhud-farāmoshī hai 'kaifī'
surāhī hai subū hai aur maiñ huuñ
jahan rang-o-bu hai aur main hun
bahaar-e-arzu hai aur main hun
sukun ka kaam kya is mai-kade mein
azal se ha-o-hu hai aur main hun
ilahi shara mein rakkha hi kya hai
namaz-e-be-wazu hai aur main hun
jo tum aae to aai jaan mein jaan
muqaddar ru-ba-ru hai aur main hun
meri ruswaiyan hain aur tum ho
tumhaari guftugu hai aur main hun
tere didar ki juya hain aankhen
talash-e-chaar-su hai aur main hun
ajab shai KHud-faramoshi hai 'kaifi'
surahi hai subu hai aur main hun
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.