jahan tak ho sake KHud ko bacha badnam hone se

jahāñ tak ho sake ḳhud ko bachā badnām hone se

mohabbat ḳhatm hotī hai mohabbat 'aam hone se

mirā patjhaḌ ke mausam se ta'alluq hī sahī lekin

maiñ kaise rok saktā huuñ tujhe gulfām hone se

ye merā dil hai is meñ vaqt kī tartīb ulTī hai

yahāñ par din nikaltā hai añdherī shaam hone se

miyāñ tum ne mujhe ḳhud tak nahīñ mahdūd kar rakkhā

mirā haq mujh pe rahtā hai tumhāre naam hone se

kahīñ bhī baat ho merā havāla aa hī jaatā hai

mohabbat ne bachāyā hai mujhe gumnām hone se

vo saarā din bitātī hai daraḳhtoñ kī rifāqat meñ

magar Dartī hai jangal meñ añdherī shaam hone se

mohabbat ḳhūb-sūrat hai bahut hī ḳhūb-sūrat hai

magar ai ḳhūb-rū is ko bachā ilzām hone se

mujhe to yaad hai 'anjum' nasīhat 'mīr' sāhib kī

milegī kāmyābī 'ishq meñ nākām hone se

jahan tak ho sake KHud ko bacha badnam hone se

mohabbat KHatm hoti hai mohabbat 'am hone se

mera patjhaD ke mausam se ta'alluq hi sahi lekin

main kaise rok sakta hun tujhe gulfam hone se

ye mera dil hai is mein waqt ki tartib ulTi hai

yahan par din nikalta hai andheri sham hone se

miyan tum ne mujhe KHud tak nahin mahdud kar rakkha

mera haq mujh pe rahta hai tumhaare nam hone se

kahin bhi baat ho mera hawala aa hi jata hai

mohabbat ne bachaya hai mujhe gumnam hone se

wo sara din bitati hai daraKHton ki rifaqat mein

magar Darti hai jangal mein andheri sham hone se

mohabbat KHub-surat hai bahut hi KHub-surat hai

magar ai KHub-ru is ko bacha ilzam hone se

mujhe to yaad hai 'anjum' nasihat 'mir' sahib ki

milegi kaamyabi 'ishq mein nakaam hone se